Vá, það hefur verið að renna upp fyrir mér síðustu daga að ég er búin með helminginn af háskólagráðunni minni!!  Hélt ég væri að verða eitthvað klikkuð um daginn þegar ég sat og fór að hugsa um það að ég væri nú orðin alveg 21 árs og eitthvað.... og svo var ég bara .... bíddu... nei... það getur ekki passað... ég er bara 20 ára.... en heilinn minn vissi betur og var alveg bara NEI..... þú ert orðin 21.... og ég bara uh.... NEI.... og hann bara ... uh JÚ.... og ég alveg.... já.... vá ... sjitt það er satt! 
Og svo var verið að skrá áfangana, sem ég fékk metna fyrir fyrstu önnina í skiptináminu, á INNU-vefnum mínum hjá HA... og þá sá ég að ég hafði nú formlega lokið 90 ECTS einingum við Háskólann á Ak.... sem sagt helmingurinn af B.sc. náminu.... 

Hvað verður eigilega af tímanum???  Ég er bara svo aldeilis lessa í dag...!! 
Er reyndar líka í góðu skapi því öll verkefna vinnan sem ég var nánast komin með dru*** yfir er bara að ganga framar öllum vonum..... ÉG að meika það í HÓPVINNU?? Hvað gerir tíminn eigilega við mann er hann flýgur framhjá?  Ég er hætt að botna í þessu. 

VIðbót við listann minn í síðasta bloggi er þessi: 
- læra að spila á hljóðfæri! Gjarnan gítar! 

Nú er ég hætt... ég er hreinlega svo hissa að ég held ég bloggi ekkert meira núna! 

Ásta - týnd í tímanum!



 

Já, það er spurning hvað þetta blogg hérna fær að lifa lengi, nú þegar Facebook tröllríður öllum og öllu. Algjörlega ávanabindandi fjandi.

Héðan er annars lítið að frétta, tíminn líður þó hratt eins og alltaf. Ný önn er byrjuð í skólanum hjá mér og ég náði öllum janúar prófunum með ágætis einkunnum.

Stebbi er enn að leita að vinnu, erum búin að senda umsóknir hingað og þangað og hann er búinn að fara á afleysingaskrifstofur bæjarins og minna á sig, en það er bara svo rosa lítið að gera hjá þeim. Vonandi gerist eitthvað í þessum málum samt.

Það er því enn alveg óljóst hvort við komum heim í vor eða ekki. Fer allt eftir því hvar er skynsamast að vera með tilliti til vinnu og þessháttar.

 

Ég átti ýkt góðan afmælisdag þetta árið, fékk mömmu, Calle, Isak og Björk í heimsókn og við fórum saman út að borða. Fékk fínar gjafir og það var rosa kósí hjá okkur  Björk var sko að vinna í Kaupmannahöfn vikuna sem ég átti afmæli svo hún kom til okkar og gisti eina nótt. Fyrst til að koma í heimsókn til okkar frá Íslandi  hehe

Annars hef ég ekkert mikið að segja og ætla þessvegna að enda þessa bloggfærslu á nokkrum pælingum um hluti sem ég ætla að gera í lífinu.

 

-       Læra að prjóna (þá meina ég meira en bara trefil)

-       Fara í Eurotrip

-       Gefa Stebba hest

-       Gefa hestamennskunni mun meira pláss í lífinu mínu

-       ….. og þá mjög gjarnan eignast marga góða hesta og helst sveitabæ líka

-       Ferðast um Ísland og fara í margar, margar útilegur

-       Og fara í jeppaferðir þegar ég verð búin að eignast jeppa

-       Síðan í sunnudagsbíltúra þegar ég verð búin að eignast gamlan amerískan

-       Fara í myndatöku hjá Kristínu frænku

-       Hlæja hátt og mikið

-       Komast í góða vinnu sem ég verð ánægð með og líður vel í

-       Fara með Stebba á leik í Enska

-       Fara með Calle í einhverja brálaða klifur-survivor ferð

-       Vera dugleg að nota þjóðbúninginn og peysufötin sem ég er svo heppin að eiga

-       Skapa enn, enn fleiri góðar minningar með öllum þeim vinum sem ég á, og fjölskyldunni líka

 

Ég tek það fram að þetta er ekki tæmandi listi, heldur bara það sem mér datt í hug á smá tíma  hahaha, eins gott að ég lifi í nokkur hundruð ár ef ég ætla að ná að gera allt sem mig langar til!

 

Ásta - Dreamer

Gleðileg jól og farsælt komandi ár til allra! 
Þakka fyrir allt það liðna með öllum mínum vinum og fjölskyldu!
Hafið það gott yfir hátíðarnar, ég skrifa svo eflaust einhvern smá annál kringum áramótin.

Ásta - Hlustar á silfursafn Páls Óskars á aðfangadag 

Sæl öll og takk fyrir kommentin við síðasta blogg!
 

Héðan er allt gott að frétta, fyrsti snjórinn er bæði kominn og farinn hér í Odense, hann kom á miðvikudag og fór á fimmtudag! Var samt voða kósí þegar ég sat í tíma og allt í einu pikkaði stelpan sem sat við hliðina á mér í mig og sagði mér að það væri farið að snjóa! Svo var ennþá smá hvítt í trjánum og grasinu þegar ég hjólaði í skólann á fimmtudagsmorguninn, en þegar ég hjólaði heim aftur var allt farið!

Við erum síðan að fara á hinn umtalaða leik OB og Brøndby núna á eftir. Verður spennandi, bara eitt stig sem skilur á milli liðanna og þetta er síðasti leikur ársins. Hverjir ætli verði hinir svokölluðu “haustmeistarar”?

Tölvan hans Stebba kemur loksins heim til okkar aftur núna á eftir…. Hún þurfti sko að leggjast inn á spítala og fara í endurhæfingu, var full af vírusum og drasli. Rétt svo náðist að bjarga henni greyinu, en eins og ég held að Stebbi hafi líka sjálfur sagt frá, þá er núna í fínasta lagi með hana. Það er snilld, kreppan býður ekki beint uppá að við hefðum getað splæst í nýja tölvu sko.

 

Nú er svo gengið á krónunni að byrja að jafna sig, vona að þetta haldi áfram svona og fari ekki að versna aftur í næstu viku, eins og væri reyndar alveg dæmigert.

Talandi um dæmigert…. Þá ákváðum við Stebbi nú að nenna ekki þessu rugli lengur og tryggja okkur danskan pening áður en krónan yrði sett á flot og allt færi til fjandans eins og búið var að spá. Svo við keyptum okkur góða summu af dönskum pening á ömurlegasta gengi í manna minnum, EF svo skyldi nú fara að allt færi til fjandans….. en NEI það fór nottla ekki allt til fjandans og ef við hefðum keypt þennan danska pening núna, en ekki á föstudaginn síðasta, hefðum við sko fengið um það bil 15% meira !!! Garg…. Ótrúlegt alveg

 

Svo til að bæta gráu ofan í svart, þá datt ég á hjólinu mínu þegar ég var að hjóla heim úr skólanum í gær…. Var soldill klaufaskapur bara því ég sá ekki karl sem var að labba inní skóginum, og ég var að koma hjólandi í beygju og þurfti að sveigja frá honum…. Ég meiddi mig feitast og gerði gat á buxurnar mínar og rispaði nýja hjólið!

En svona gerist víst, ég reyndi bara að hugga mig við það að hugsa að það hlyti nú að koma að því að maður myndi detta. Ég meina, ég hjóla alveg nokkra kílómetra á dag svona að meðaltali, svo það er varla skrítið að það gerist slys svona einu sinni.

 

En jæja, ætla að láta þetta duga í bili!

Ásta – Klaufabárður sem á núna einungis götóttar buxur! 

Shitt, það er sko orðið óafsakanlega langt síðan ég bloggaði!

Stebbi er mikið duglegri í þessu en ég!

 

Héðan er allt gott að frétta, eins og ég sagði frá síðast þá var prófatíð hjá mér, og ég er búna búin að fá að vita að ég náði öllum prófunum  Mjög sátt með það!

Fékk 10 (samsvarar sirka 8-9 á íslenska skalanum) í Próteínkemíu

7 (sirka sama og 7,5) í Ensíma og frumuhimnu áfanganum

og svo var einn Bioinformatík (lífupplýsingatækni) áfangi sem maður fékk bara að vita hvort maður væri fallinn eða ekki, engin einkunn.

 

Það er ekkert smá skrítið að vera ekki í prófum svona fyrir jól, eins og er alltaf heima…. Næsta prófatörn hjá mér byrjar akkurat þegar ég kem aftur til DK eftir áramót.
Og talandi um……!! Vá hvað ég er orðin þvílíkt spennt að komast heim í frí, og hitta allt fólkið sem maður saknar  Oh, það verður svo gott!

Samt erum við að verða búin að koma okkur voða vel fyrir hér, farin að kynnast fólki og allt er hætt að vera eins framandi og nýtt eins og fyrst. Eeeeen, maður saknar alltaf Íslands soldið, held það sé ekki hægt að komast hjá því.

 

Eins og þið hafið kannski lesið á blogginu hans Stebba, þá fórum við á fótboltaleik um daginn með Isak bróður, það var algjör snilld  Erum síðan að fara aftur þann 6. Des, á enn stærri leik og bæði Isak og Calle koma með! Get ekki beðið!

 

En jæja, nú ætla ég aðeins að slappa af og reyna svo aftur að fara að læra, var sko uppí skóla í morgun að gera skýrslu með hópnum mínum. Ekkert smá fúlt að þurfa að fara uppí skóla svona á laugardagsmorgni, en svona er þetta víst. Það er líka alltaf jafn ljúf svo þegar gengur vel og öll vinnan borgar sig!

 

En ég bið að heilsa ykkur í bili, reyni að vera duglegri að skrifa smá blogg svona við og við…. En lofa engu  

Ps. Gunni, ég rétt svo náði því að blogga í nóvember eins og þú baðst um!

Útdráttur... ? Ja, allavega ekki af íslenska reikningnum mínum!... Nánar

Eydís var farin að "æja" á mig þannig að ég held ég þurfi að fara að smella inn nýju bloggi. 

Jáhá, það er nú ekki alltaf friðsælt hér í Danmörkinni okkar, en í dag var gerð sprengjuhótun gegn einni stærstu verslunarkeðjunni hér í DK, sem heitir Bilka.....ekki nóg með það, heldur er búðin sem þurfti að rýma, hérna 2 km frá okkur og er sú búð sem við nýtum okkur allra helst til innkaupa!  Þetta er sko snilldar verslun, svona eins og Hagkaup nema ódýrari og með þúsund sinnum meira vöruúrval... þarna getur maður keypt mjólk, allan heimsins mat, verkfæri, mauraeitur, föt, húsgögn og bara jú neim it. 

Er samt ekki viss um að ég þori að fara þangað aftur á næstunni. Held ég fari allavega bara í Netto á morgun þegar ég fer að versla! 

 

Talandi um að það sé hægt að kaupa verkfæri í Bilka.... þá langar mig að segja ykkur frá nokkuð merkilegri upplifun og tilfinningu sem kom yfir mig um daginn þegar ég ráfaði inn í byggingar/garð-deildina í Bilka. 

Ég fékk kaupæði. Mig langaði að kaupa mér verkfærakassa, ég keypti flottasta skiptilykilinn sem ég fann og var næstum búin að kaupa fullan kassa af skrúfum af ýmsum stærðum og gerðum, þó ég hafi í raun bara þurft tvær 6mm. Endaði samt með að kaupa poka með 20 skrúfum og svona plast töppum. 

Það næsta sem ég hugsaði var svo, að ég þyrfti að óska mér verkfæri í jólagjöf. Það þriðja var, að ég áttaði mig á því að mér þykir rosalega vænt um borvélina mína, og hvað mér þykir það gaman þegar ég þarf að nota hana. Svo hætti ég að hugsa því ég hélt ég væri að verða eitthvað geðveik. 

 

Markmiðið með þessari sögu var að koma því til skila til pabba að ég óska mér verkfærakassa í jólagjöf!  Ég elska að eiga verkfæri og geta bjargað mér og smíðað og búið til! 

Lokaniðurstaða: Ég hef erft meira frá pabba en bara það að svitna á efri vörinni!! 

 

Ú já, önnur skemmtileg frétt er það að Mamma, Calle og Isak voru að fá sér hund!  íks, ég hlakka svo til að hitta hann! Þau fengu hann á þriðjudaginn, svona lítill border terrier, er bara 8 vikna gamall! Mamma sendi mér myndir af honum í gær eða hinn, verð að gá hvort ég kem þeim í myndaalbúmið hér.... Hann er algjör krúsí, heitir Futte eins og hundurinn í Garfield heitir á dönsku. 

 

Síðustu helgi kom Isak bróðir síðan og gisti hjá okkur, eins og við vorum búin að lofa honum um áramótin þegar við ákváðum að flytja til Danmerkur  Hehe...  það var voða kósí, það var nú mest bara legið í leti og svona, en við fórum líka aðeins út í fótbolta á velli sem er hér stutt frá.

 

Já, ég verð svo að fara að setja inn fleiri myndir í albúmið mitt, læt ykkur vita þegar það tekst hjá mér! Þetta myndasvæði er alltaf til vandræða. 

 

En jæja, læt þetta gott heita, knús á ykkur öll! 

 

Ásta - í sprengjulandi

 

Ps. Eydís klukkað mig víst! So here goes : 

 

Fjögur störf sem ég hef unnið um ævina:

Þjónn á Ólafshúsi, Rannsóknargella í Verinu, Barþjónn á barnum og Eldabuska á Ábæ

 

Fjórar bíómyndir:

Sódóma Reykjavík, The pianist, South park myndin og stuttmyndin okkar í þýsku 403! 

 

Fjórir staðir sem ég hef búið á:

Sauðárkrókur, Frederikssund, Reykjavík og Odense

 

Fjórir sjónvarpsþættir sem mér líkar:

One tree hill, Friday night lights, CSI og Dexter

 

Fjórir staðir sem ég hef heimsótt í fríum:

Spánn, Frakkland, Grænland og Grikkland

 

Fjórar síður sem ég skoða daglega fyrir utan bloggið:

Vísir.is, Kbbanki.is, blackboard learning system og bloggið mitt (því það er byrjunarsíðan mín!!  haha) 

 

Fernt sem ég held uppá matarkyns:

Slátur, pizza, ristað brauð og grillað lambakjöt

 

Fjórar bækur sem ég hef lesið oft:

Kári litli og lappi, Bói og Bína, Englar alheimsins og About a boy 

 

Fjórir staðir sem ég vildi vera á núna:

Ísland, á hestbaki, í skíðaferðalagi eða bara ... já... þar sem ég er! 

 

Fjórir bloggarar sem ég klukka:

Prófa að klukka Guðrúnu, Ragnhildi, Kristínu og Röggu! 

Sæl verið þið!